Esta serie podcast foi financiada polo INAEM, Ministerio de Cultura e Deporte cos fondos da Unión Europea-Next Generation. MQVS son dez cápsulas sonoras que recollen experiencias de mulleres diversas en xeración e percorido vital. Hai quen leva máis de trinta anos vivindo soa e hai quen leva pouco tempo. Hai quen o tivo sempre moi claro e hai a quen lle custou tomar esa decisión. Para algunhas foi un paso decidido e consciente que era indispensable para construírse dende a liberdade e a independencia, para outras foi un paso imprevisto que se converteu nunha aprendizaxe tan grande que ata din que todas deberiamos pasar por ela. Mulleres que nos falan do que supón económicamente, do silencio e da calma, das comunidades afectivas que teñen arredor ou de a que lle dan importancia e a que non. Nesta serie de podcast todas comparten as súas reflexións e compoñen un mosaico de voces, de experiencias, coas que sabermos que hai diferentes maneiras de construír un fogar. Entrevistas e edición: Xiana Arias Gravación e montaxe: Berio Molina Música: '56E1' de @c (alg-label, compilatorio #2) MQVS é un proxecto de Berrobambán partindo do espectáculo de narración oral de Paula Carballeira co mesmo título e que en outubro do 2024 se transforma en esepctáculo con María da Pontragha, Vero Rilo e Paula Carballeira na escena.